一年易過又到中秋,自製低糖靚料月餅送禮
我細個既時候曾經因為聽到有人叫中秋節做「月餅節」, 竟然傻下傻下以為呢個先係呢個節日既真名,依家諗返起都覺得夠哂搞笑! 但就係因為有呢次既傻仔經歷,先可以證明月餅係我心目中係最代表到呢個節日架! 話咁快又黎到九月份,今個星期四就係中秋節啦, 依家各大餅店既月餅廣告已經賣到周街都係。 不過講真個句,作為吃貨既我,食左咁多年月餅仲有咩牌子仲未食過啊? 而且個D大品牌罐頭製作既出品,好多時為左可以令月餅味道突出D同保鮮期長D, 人工香油、糖唔會落得少之外,仲一定會添加防腐劑。 明明大家係想開開心心食住好西慶祝節日, 最後就食哂D有害既垃圾落肚,絕對唔係好事呢。 今年我想食得開心之餘又健康,所以堅決唔再買名牌出品, 而係一改傳統,親自落手跟師父一齊整月餅!
麥芷誼 Koyi