推介
雜誌分類

【生活品味】冬天來個即興backpack之旅!教你如何一個背包輕鬆遊歐

成日聽人話,好chill咁做一個backpacker,去一趟無拘無束的旅行,好似好爽咁!🎒 不過冬天去旅行,你估好易咩,又怕凍,衫又厚......小編自問曾經係-20度環境下,以一個細背囊,用20日時間歐遊,都絕對冇難度!係度等我私人醒你幾個貼士,就算着住幾厚嘅衫都唔怕架!❄️
2015-02-05T08:00:00+08:00
【生活品味】冬天來個即興backpack之旅!教你如何一個背包輕鬆遊歐
撰文: Aubrey

成日聽人話,好chill咁做一個backpacker,去一趟無拘無束的旅行,好似好爽咁!🎒

不過冬天去旅行,你估好易咩,又怕凍,衫又厚......小編自問曾經係-20度環境下,以一個細背囊,用20日時間歐遊,都絕對冇難度!係度等我私人醒你幾個貼士,就算着住幾厚嘅衫都唔怕架!❄️

要慳位 衣服要捲!

首先,做得backpacker,就要有取捨,唔可以帶成個衣櫃嘅衫去旅行。小編就建議帶最易襯既顏色,例如黑白藍灰,收拾時再研究下運用layers配搭。例如,白色恤衫配襯綠色毛衣,綠色毛衣又可以另外穿搭;拿,咁嘛兩套囉~

選擇好所需衣服後,建議將最厚的大衣/羽絨着上身,將其餘較為薄身的衣服用捲的方式放進袋裏。捲可以慳位,又唔怕摺皺!

秘密小工具 keep住儀容又安全

Backpack行,有時少不免要在機場過上一晚,又或者乘搭night train。有幾樣秘密小工具可以幫到你!

1. 防盜腰包!
歐洲國家,尤其是法國和意大利的治安較為危險,最好用一個防盜腰包將最重要的物品收起,如護照、信用卡,及少量傍身現金。防盜腰包可以扣於內衣下,唔洗「大媽」style扣於外面架傻仔!特別提醒,即使將現金收於背囊都未必100%安全,因為都會有「介袋黨」小偷出沒,所以建議背囊內的現金都分幾個暗格存好。

2. Dry Shampoo、牙貼
Keep住儀容最緊要!坊間有粉狀dry shampoo,作用如爽身粉一般,令你的頭髮保持乾爽。另外,日本品牌Mxxi亦有推出免沖洗牙貼,就是方便旅遊人士清潔牙齒,亦是小編的誠意推介!

3. 可攜式充電器
呢樣不用多講,就算背囊要點慳位,充電器(又稱「尿袋」)is a must,萬一有咩意外,要睇地圖或者報警,絕對能救你一命。

旅伴要有共識

除了隨身物品,同行的旅伴亦非常重要!Backpack旅行的目的地通常較危險,亦更容易引起當地小偷的注意,所以記得出發前和旅伴溝通好,例如,一人在街上查看Google Map時,另一人需要一眼關七作掩護;遇到陌生人奇怪的邀請,亦知道如何「夾口供」作藉口拒絕。

Anyway, 人一世物一世,點都要體驗下!大家都都趁早收拾行裝啦~🎒